Ambasadorja gjermane: Zgjedhjet në Shqipëri u zhvilluan normalisht
Nga Korça, ambasadorja gjermane në Shqipëri, Susanne Schutz ka folur me nota pozitive për zgjedhjet e 25 qershorit, transmeton Top Channel.
“Është kënaqësi që procesi u zhvillua normalisht dhe në të morën pjesë 18 parti”, ka deklaruar Schutz.
Duke nënvizuar se, OSBE/ODIHR ka konstatuar se është bërë një fushatë pozitive, ambasadorja ka vlerësuar se edhe pjesëmarrja nuk ka qenë e ulët por relativisht e mirë.
“Tani presim vijimin e reformave të tjera të ndërmarra nga qeveria shqiptare. Me përparësi janë reforma në drejtësi, si dhe lufta kundër krimit dhe korrupsionit”, ka thënë Schutz.