Skënderbeut i merret titulli shkaku i kurdisjes së ndeshjeve
Komisioni i Etikës në Federatën Shqiptare të Futbollit ka shpallur fajtor Skënderbeun për kurdisje të rezultateve gjatë sezonit 2015-16.
FSHF-ja ka marrë vendim që t’ia heq titullin e fituar gjatë atij sezoni dhe t’ia zbres 12 pikë nga klasifikimi për sezonin 2016/17.
Përveç këtyre dënimeve, Skënderbeu është dënuar edhe me 2 milionë lekë gjobë.
Vendimi i plotë:
Ne bazë të nenit 17, 18 e vijues të Kodit të Etikës dhe Neneve 16, 68/2, 134 e vijues të Kodit të Disiplinës Sportive
VENDOSI:
Deklarimin fajtor të Klubit Sportiv Skënderbeu për komplotim në influencimin e rezultateve të ndeshjeve në kundërshtim me etikën sportive për sezonin 2015-2016;
Heqjen e Titullit “Kampion” për sezonin 2015-2016;
Dënimin e KS Skënderbeu me gjobë në masën 2.000.000 (dy milion) lekë;
Dënimin e KS Skënderbeu me zbritjen e 12 (dymbëdhjetë) pikëve nga klasifikimi për sezonin 2016-2017;
Kundër këtij vendimi, lejohet ankim sipas nenit 18 të Kodit të Etikës.