Duro fillon blerjet në Maqedoni

Flamurtari duket aktiv në afatin kalimtar të verës. Ka largime, siç ishte ai i kapitenit Telushi, por sot është zyrtarizuar edhe afrimi i parë. Në krye të këtij procesi është vetë trajneri Shpëtim Duro, që ka marrë miratimin e administratorit Sinan Idrizi për të formatuar një Flamurtar pretendent për trofe. Mesditën e sotme është prezantuar Goran Siljanovski, i cili bëhet zyrtarisht futbollist i Flamurtarit.

Siljanovski ka lindur më 1 qershor 1990 në Tetovë, (26 vjeç). Roli i tij në fushë është mbrojtës i djathtë. Goran Siljanovski ka luajtur 18 ndeshje edhe me shpresat e Maqedonisë (U21) dhe 4 ndeshje me sendorët e reprezentacionit. Sa i përket karrierës në klube, ajo është si më poshtë:

2009/2012 te Vardari, 2012/2014 me Renovën dhe 2014/2017 luante me Rabotniçkin. /Portalb.mk/