Policia suedeze arreston personin e tretë të dyshuar për sulmin në Stokholm (Foto)
Policia suedeze ka arrestuar personin e tretë të dyshuar për sulmin me kamion që ndodhi sot në qendër të Stokholmit, ku si pasojë mbetën të paktën pesë persona të vdekur, shkruan Daily Mail.
I dyshuari që ishte “i lënduar lehtë”, është arrestuar në Marsta, në periferi të Stokholmit. Ai është kapur nga policia që ishte njoftuar nga qytetarët të cilët e kishin vërejtur në rrugë duke bërë gjeste të çuditshme.
“Edhe dy persona tjerë janë arrestuar që dyshohet të kenë lidhje me sulmin me kamion”, ka deklaruar para gazetarëve zëdhënësi i policisë.
Kamioni i vjedhur me të cilin ishin shkelur për vdekje qytetarët, ishte përplasur në murin e një qendre tregtare i cili pas disa sekondave ishte përfshirë nga flaka.
Tre persona kishin kërcyer nga kamioni dhe kishte hapur zjarr, duke u munduar të therin me thikë edhe këmbësorët, ka bërë të ditur një dëshmitare.
Por brenda pak minutave dy prej tyre u arrestuan nga policia – derisa i treti ishte në arrati, duke e fituar epitetin e personit më të kërkuar në Evropë.