fbpx

Austria dyfishon paratë për emigrantët që kthehen në vendet e tyre

Ministria e Punëve të Brendshme e Austrisë ka vendosur të dyfishojë sasinë e parave që do tu paguhen emigrantëve që vullnetarisht kthehen në vendet e tyre. Emigrantët e tillë nga autoritetet austriake do të marrin 1,000 euro, raporton Anadolu Agency (AA).

Ministri austriak i Punëve të Brendshme, Wolfgang Sobotka, ka theksuar se stimujt financiarë janë pjesë e planeve që kanë të bëjë me 50 mijë emigrantë që nuk plotësojnë kushtet madje as për lejeqëndrim të përkohshëm deri në vitin 2019.

Nga Ministria e Brendshme e Austrisë të mërkurën u bë e ditur se nga vendi vitin e kaluar janë larguar rreth 10,700 emigrantë, duke përfshirë edhe 5,800 të tjerë që këtë e bënë në mënyrë vullnetare.

Të drejtën për stimuj financiarë e kanë edhe ata emigrantë, të cilët ende e kanë të pa qartë statusin e refugjatit deri më 15 mars të këtij viti, me origjinë nga vendet afrikane, Afganistani, Iraku dhe vende të tjera jo evropiane të cilët janë financiarisht të rrezikuar.

Lajme të ngjashme

Leave a Reply

Your email address will not be published. Required fields are marked *

Back to top button