Tramp për kërcënimin bërthamor nga Koreja Veriore: Kjo nuk do të ndodh!
Presidenti i ri i SHBA-së Donald Tramp në Tuiterin e tij ka reaguar në pohimin e liderit të Koresë Veriore Kim Xhong-un se Pheniani është afër lançimit provë të raketës balistike interkontinentale.
“Koreja Veriore pohon se është në fazën e fundit për zhvillim të armës bërthamore që do të mund të arrijë pjesë të SHBA-së. Kjo nuk do të ndodhë!”, ka shkruar Tramp në Tuiter.
Paraprakisht, Kim deklaroi se “hulumtimi dhe zhvillimi i pajisjes më moderne ushtarake në mënyrë aktive po përparon dhe përgatitjet për lançimin provë të raketës balistike interkontinentale janë në fazën përfundimtare”.
