Nesër derbi shqiptar, Shkëndija “mysafire” e Renovës

Liga e Parë vazhdon me aktivitete edhe në mesjavë kur në program janë përballjet e xhiros së 17-të. Skuadra ‘kuqezi’ sërish do të luajë në Tetovë, por tani si ‘mysafire’ e Renovës në një duel ku kërkohen tre pikë. Barazimi 2:2 të dielën me Rabotniçkin ndali hovin e ekipit, mirëpo gjithë statistikat tregojnë se Shkëndija zhvilloi një prej ndeshjet e saj më të mira kohëve të fundit, me posedim të topit në zonën kundërshtare, krijim të rastve dhe goditjeve drejt portës kundërshtare, por që fatkeqësisht nuk sollën tre pikë.

Stafi teknik është munduar që në seancat stërvitore të punojë në eliminimin e dukurive negative në lojë, posaçërisht në repartin defanziv, ndërsa insiston në përsëritjen e lojës dinamike në sulm dhe aksioneve të ndërtuara përmes lojës kombinatorike. Pas pauzës një ndeshje shkaku i pesë kartonëve të verdhë, në këtë takim kthehet në formacion sulmuesi Besart Ibraimi.