Partitë politike nuk kishin kohë për ta nënshkruar Kodin për të mos pasur dhunë në zgjedhje
Partitë politike sot nuk janë paraqitur në ngjarjen “5 minuta para 12” ku duheshte të nënshkruajnë Kodin për prevenimin e dhunës gjatë zgjedhjeve parlamentare 2016, pjesë kjo e projektit “Prevenim gjatë zgjedhjeve 2016”, transmeton Portalb.
Siç informon bartësi i projektit, Nelko Nelkovski, nga partitë e kanë lajmëruar se sot nuk do të mund ta nënshkruajnë kodin, sepse kanë shumë obligime më paraqitjen e listave për deputet.
“Na lutën që t’ua dërgojmë Kodin për ta nënshkruajnë dhe të na kthejnë. Arsyetimi i tyre ishte se sot është dita e fundit për paraqitjen e listave për deputetë dhe nuk kanë kohë për ta nënshkruar”, tha Nelkovski.
Kodi përmban pesë principe: paqe, pa dhunë, komunikim, bashkëpunim dhe veprim pozitiv.
