Vritet drejtori i Mis botës në Meksikë
Drejtori i konkursit për zgjedhje të bukurisë Mis botës në Meksiko, Hugo Ruben Kastelanos është vrarë në qytetin Kuliakan, në shtetin federal meksikan Sinaloa.
Kastelanos paraprakisht është rrëmbyer, së bashku me dy persona të tjerë, nga një kafiteri të diellën, vetëm disa orë pasi u bë zgjedhja e bukuroshes për këtë shtet federal.
Dy persona të tjerë, më vonë u liruan, por Kastelanos u gjet i vrarë me disa plumba, në një automjet të braktisur. Motivi i rrëmbimit dhe i vrasjes ende nuk dihet.
