Apple ofron shpërblime të mëdha për ata që gjejnë të meta në siguri

Kompania Apple Inc thotë se planifikon që të ofrojë si shpërblime më shumë se 200 mijë dollarë për hulumtuesit që gjejnë të meta në siguri në produktet e tyre, duke iu bashkuar mijëra firmave të tjera, të cila ofrojnë shpërblime shumë të mëdha, transmeton koha.net.

Prodhuesi i iPhonëve e iPadëve ka ofruar për Reuters detaje mbi këtë plan, ku ofrojnë shpërblimet më të mëdha deri më tani.
Ky program do të jetë i limituar te disa hulumtues, të cilët Apple do t’i ftojë për të ndihmuar lëshimet e vështira në siguri në pesë kategori specifike.

Kategoria më fitimprurëse, e cila ka shpërblimin mbi 200 mijë dollarë, është një e metë në murin e sistemit bazë të Apple, “secure boot”, për të parandaluar programet e paautorizuara që të startojë në të, kur pajisjet të kyçen.
Analisti i sigurisë Rich Mogull thotë se limitimi i pjesëmarrësve do t’i sigurojë Apple një raport shumë cilësor.

Shpërblime të tilla janë duke u ofruar nga shumë kompani të njohura si: AT&T, Facebook, Google, Micrsoft, Tesla Motors dhe Yahoo.
Microsoft deri tani ka shpërblyer me mbi 1.5 milionë dollarë hulumtuesit e sigurisë, që nga lansimi i programit të ri para tre viteve.

Facebook ka një program të hapur për të gjithë, me të cilin ka shpërblyer me mbi 4 milionë dollarë hulumtuesit vetëm gjatë pesë viteve të fundit.

Në mars të këtij viti, Facebook ka paguar 10 mijë dollarë një 10 vjeçar nga Finlanda, i cili ka gjetur një lëshim për të fshirë komentet e përdoruesve nga llogaritë e Instagramit.