Nepal, të paktën 54 të vdekur nga përmbytjet dhe rrëshqitjet e tokës
Një zyrtar i qeverisë tha se nga përmbytjet dhe rrëshqitjet e tokës, të cilat u shkaktuan nga shirat e dendura në dy ditët e fundit, jetën e kanë humbur të paktën 54 persona, raporton Anadolu Agency (AA).
Zëdhënësi i Ministrisë së Punëve të Brendshme, Yadav Prasad Koirala, tha se të paktën 20 persona janë zhdukur dhe se qindra të tjerë janë zhvendosur pasi që lumenjtë e dalë nga shtretërit e tyre kishin përmbytur vendbanimet.
Ushtarët dhe vullnetarët janë duke përdorur varka gome për të shpëtuar njerëzit që mbetën të rrethuar nga uji, ndërsa me ndihmën e helikopterëve po bëhet shpërndarja e ushqimit.
Koirala tha se situata është shumë e rëndë në tetë rajone dhe se në disa zona për shkak të përmbytjeve janë ndërperë drejtimet rrugore.
Në Nepal dhjetëra mijëra njerëz ende jetojnë në tenda pas tërmetit shkatërrues, i cili vitin e kaluar goditi vendin.