Gazetari Kezharovski, në bisedë informative për shkak të hedhjes me ngjyrë (FOTO)

Rreth një ore e gjysmë përpara protestës së “Revolucionit Laraman”, dje në orën 19:00, gazetari, Tomisllav Kezharovski është thirr në bisedë informative në stacionin e policisë “Qendër”. Por, për shkak të keqkuptimeve mes stacioneve “Aerodrom” dhe “Qendër”, nuk dihet se për çfarë konkretisht është thirr në bisedë, njofton OJQ “CIVIL”, transmeton Portalb.

“Nesër do ta dimë se për çfarë konkretisht bëhet fjalë, por më informuan se bëhet fjalë për kundërvajtje të bërë më 28 maj të këtij viti, sepse kam marrë pjesë në protesta dhe kam gjuajtur ngjyrë ndaj objektit të Kuvendit”, ka deklaruar Kezharovski pasi ka dalë nga stacioni i policisë..