Ja çfarë thotë Komuna Qendër për përmendoret e veprimtarëve shqiptarë
Komuna Qendër e njofton opinionin se nuk është e njoftuar, e as që ka marrë pjesë në vendosjen e përmendoreve gjatë natës, të veprimtarëve shqiptar, raporton Portalb.
“Tashmë në stil të njohur, natën, për fundjavë dhe para festave, largë nga sytë e opinionit, Qeveria VMRO-DPMNE dhe BDI ka sjellur 3 përmendoret e mbetura, të porositura nga udhëheqësia e mëparshme e Komunës Qendër”, thuhet në reagimin e Komunës Qendër.
Për këtë skenar, kryetari i Qendrës, Zhernovski pat mbajtur konferencë për të zbuluar lojën e BDI-së dhe VMRO-DPMNE-së, nga viti 2013, kur qëllimisht ishte anuluar vendosja e përmendoreve.
“Sipas mediave, Komuna e Cairit ka marr rolin e asistuesit për të realizuar këtë veprim, vendosjen e përmendoreve. Ndërkaq, përgjegjëse për transportin dhe vendosjen është shkritorja Guastini”, potencohet mes tjerash në reagim.
Për këtë arsye, kryetari i Qendrës ka kërkuar nga organet kompetente që ta hetojnë këtë rast.
Nga aty thonë se nëpërmes shkeljeve të ligjit Ali Ahmeti dhe Nikolla Gruevski po tentojnë të provokojnë tensione etnike.