Siri, në sulmet ajrore vriten 8 dhe plagosen 19 persona
Në sulmet ajrore të regjimit sirian në vendin Han Sibil, që ndodhet në juglindje të qytetit Idlib, humbën jetën 8 persona ndërsa 19 të tjerë u plagosën, raporton Anadolu Agency (AA).
Zyrtarët e Mbrojtjes civile në këtë rajon thanë se avioni i regjimit sirian ka bombarduar vendbanimin i cili gjendet nën kontrollin e opozitës.
Në sulm humbën jetën edhe gra dhe fëmijë.
Të plagosurit janë transportuar në spitalin në periferi, ndërsa në objektet e banimit kanë pësuar dëme materiale.