Ministri i Drejtësisë Valdet Xhaferi takoi ambasadorin e Shqipërisë Fatos Reka
Ministri Xhaferi sot në hapësirat e Ministrisë së Drejtësisë realizoi takim protokollar me ambasadorin e Shqipërisë në Maqedoni, Fatos Reka.
“Ministri Xhaferi gjatë takimit theksoi se bashkëpunimi midis dy vendeve është i shkëlqyeshëm dhe theksoi se do të angazhohet që ky bashkëpunim të vazhdoj në drejtim të përforcimit të prioriteteve të përbashkëta si dhe zbatimit të plotë të marrëveshjeve të arritura deri më tani. Ambasadori Reka i uroi shumë suksese në funksionin e ri ministrit Xhaferi dhe njëherit i bëri ftesë takimi me homologun e tij në Ministrin e Drejtësisë të Republikës të Shqipërisë”, thuhet në njoftimin e Ministrisë së Drejtësisë.
