Prej sot deri të hënën autobusët më orar të ndryshuar

Me rastin e festës së pashkëve dhe 1 Majit, NTQ do të punojnë me orarin në fjalë: Më datë 29 prill 2016 e premte, autobusët do të qarkullojnë me orar të së dielës, përveç linjave me numër 11, 32, 47a, 51, 55, 56, 56A dhe 60 për Matkë.

Linjat e natës do të punojnë me orar si të shtunën. Më 30 prill, të shtunën autobusët do të qarkullojnë me orar të së dielës, ndërsa linjat e natës me orar si të shtunën. Më 1 maj, të dielën, autobusët do të qarkullojnë me orar të së dielës. Për shkak të rritjes së nevojës për udhëtim drejt vendeve rekreative varësisht prej nevojave të qytetarëve do të shtohet numri i autobusëve. Më 2 maj 2016, e hënë, autobusët gjithashtu do të qarkullojnë me orar të së dielës. Linja për Vodno të mesme-deri tek kryqi, do të qarkullojë me orar të së dielës. Orarin e autobusëve mund ta shihni edhe në ueb faqen e NTQ me detaje. Për informata më të hollësishme mund të paraqiteni edhe në 02/ 3 173-224.