U nënshkrua Memorandum për bashkëpunim me Këshillin Kombëtarë për barazi gjinore
Ministri i Drejtësisë Valdet Xhaferi nënshkroi Memorandum për bashkëpunim me Këshillin Kombëtarë për barazi gjinore, përfaqësuar nga kryetarja, Savka Todorovska.
Qëllimi i nënshkrimit të Memorandumit është që nëpërmjet bashkëpunimit të ndërrsjellët mes Ministrisë së Drejtësisë dhe Këshillit Kombëtarë, të avancohet mbrojtja e grave nga dhuna e bazuar gjinore në përputhje me standardet evropiane me çka do të promovohet marrëdhënie partneriteti i institucioneve të pushtetit qëndror dhe lokal dhe shoqërisë civile.
Në kuadër të këtij bashkëpunimi parashikohen trajnime për përfaqësuesit e institucioneve për të rritur njohuritë e tyre për domethënien dhe nevojën për reagim adekuat shoqëror kundër dhunës së bazuar gjinore.
Njëkohësisht sipas Memorandumit do të realizohen edhe aktivitete për avancimin e rregullativës ekzistuese ligjore dhe harmonizimin e të njëjëts me standardet evropiane, që do të mundësojë mbrojtjen adekuate të grave viktima të dhunës së bazuar gjinore.
