Ja reagimet e Dimovskit nga VMRO-DPMNE kur nuk i pëlqejnë pyetjet për Katica Janevën (VIDEO)

Sipas Kushtetutës, Kuvendi është kompetent të kryejë mbikëqyrje për të gjithë të funksionarët publik. Sipas Rregullores së Kuvendit të Maqedonisë, çdo akt që nuk është ligj a shihet në Kuvend aplikohet sikur të jetë ligj me procedurë të dytë. Ka obligim që pas procedurës së dytë duhet të jetë parashtruesi i materialit pa përjashtim. Dhe, deri më tani gjithmonë është aplikuar. Kështu është përgjigjur kryetari i grupit parlamentar pas pyetjes së Portalb-it se pse insistojnë që prokurorja speciale Katica Janeva duhet të vijë në parlament, kur ajo me ligj nuk është e obliguar të vijë.

Ai u arsyetua se çdo funksionarë kur dorëzon raport paraqitet në Kuvend.

Sipas tij, Kushtetutës i obligon të vijnë. “Ligji për Avokatin e popullit e thotë të njëjtën. Të jap përgjegjësi për punën e saj para Kuvendit, 10 herë ka ardhur në Kuvend dhe ka marr pjesë në Kuvend. Drejtoria për mbrojtjen e të dhënave personale, njëjtë. Të gjithë funksionarët vijnë në Kuvend japin raporte dhe përgjigjen në pyetjet e deputetëve. Prandaj interpretimet që dolën nga Prokurorja speciale janë të pasakta.”

Në insistimin e Portalb se PSP është institucion në vete, i pavarur dhe nuk mund të krahasohet me institucionet që i përmendi deputeti Dimovski, ai shkurt iu drejtua gazetarit me fjalët:

“Nëse keni për qëllim të bëheni avokatë të prokurores speciale Katica Janeva, … unë ju përgjigja në pyetje”.

Kujtojmë se Katica Janeva ka dorëzuar Raportin e saj 6 mujor në Kuvend dhe në Këshillin e Prokurorisë Publike. Megjithatë, ajo ka qartësuar për publikun se nuk do të paraqitet as në Kuvend as në Këshillin e Prokurorëve dhe ka kërkuar nga të njëjtit që për çdo paqartësi PSP-së t’i drejtohen me shkrim.

Të njëjtin qëndrim e përsëriti PSP edhe në reagimin e sotëm me shkrim.

“Dua edhe një herë t’i qartësojë arsyet se pse nuk do të marr pjesë në seancën e Këshillit të prokurorëve dhe në Seancën e Kuvendit të Republikës së Maqedonisë, me çka do të përsërisë se nuk bëhet fjalë për mosrespetim të këre institucionevet. Në pajtim me rregullat ligjore, por edhe në pajtim me Kushtetutën e Maqedonisë unë kam obligim ligjor vetëm të dorëzoj Raport, Raport të cilin unë e kam dorëzuar dhe i përmban të gjitha elementet të cilat i kërkon ligji”, thuhet në letrën e prokurores speciale Katica Janeva./Portalb