KSHZ të mërkurën do të tregojë sa votues janë të dyshimtë

Komisioni Shtetëror Zgjedhor pasnesër, gjegjësisht të mërkurën do të mbajë seancë në të cilën do t’i shqyrtojë rezultatet e kryqëzimit të të dhënave të votuesve të dyshimtë, të cilën IT-ekspertët e kanë bërë dy javë, njofton Portalb.

Nga KSHZ bëjnë të ditur se qytetarët që nuk e kanë shfrytëzuar mundësinë e paraqitjes së parregullsive që i kanë hasur në listën zgjedhore, mund ta bëjnë nëpërmjet zyrave rajonale dhe ato të Komisionit Shtetëror Zgjedhor, sepse tanimë denoncimi online është i mbyllur.

“KSHZ njofton publikun se raporti për rezultatet e fituara nga hulumtimi i ankesave do të rishikohet ne seance publike me 16 mars. Menjëherë me pas do ë organizohen aktivitetet e verifikimit të të njëjtave në teren. Të gjithë qytetarët që nuk kanë shfrytëzuar rastin të paraqesin parregullsi, kanë mundësi ta bëjnë atë në zyrat e KSHZ-së”, thonë nga KSHZ.

Që nga dita e publikimit të Listës zgjedhore në ueb faqe me të dhënat : emri, mbiemri dhe adresa e votuesve, deri më sot mundësinë për lajmërimin e parregullsive e kanë shfrytëzuar gjithsej 5 mijë qytetarë. /Portalb

LEXO:  KSHZ mbyll opsionin e lajmërimit të parregullsive online