De Biasi: Ky super futbollist do të luajë për Shqipërinë (FOTO)

Selektori i Kombëtares së Shqipërisë, Gianni De Biasi ka konfirmuar se Milot Rashica do të ftohet për ndeshjen miqësore ndaj Luksemburgut.

Sulmuesi i Vitesses, Milot Rashica, do të ftohet nga seleksionuesi i Kombëtares së Shqipërisë, Gianni De Biasi, për ndeshjen miqësore ndaj Luksemburgut, kanë njoftuar të mërkurën mediumet shqiptare.

Një gjë të tillë e ka konfirmuar edhe De Biasi, i cili është i gatshëm t’i japë rastin Rashicës edhe me ekipin A të Shqipërisë, transmeton Koha Ditore.

Kombëtarja shqiptare gjatë këtij muaji do t’i luajë dy ndeshje miqësore si përgatitje për “Euro 2016”, me Austrinë (26 mars) dhe Luksemburgun (29 mars).

Rashica do të ftohet vetëm për ndeshjen me Luksemburgun për shkak se në datën kur zhvillohet ndeshja me Austrinë, sulmuesi do të jetë me ekipin U-21 të Shqipërisë në ndeshjen e rëndësishme kundër Greqisë. Trajneri italian ka thënë se është ende herët për ta zbuluar listën e lojtarëve që do të udhëtojnë në Francë.