Kina nuk do t’u lejojë çifteve të kenë fëmijë aq sa dëshirojnë
Kina nuk planifikon që t’u lejojë çifteve të kenë aq sa dëshirojnë fëmijë, pasi u lejoi që në vend të një fëmije, të kenë dy, njofton një zyrtar shëndetësor kinez, raporton Anadolu Agency (AA).
“Popullata kineze vitin e kaluar arriti në 1.375 miliardë banorë dhe është dashur të kihet parasysh një popullatë e tillë kur janë marrë vendimet”, tha drejtori i Komisionit kombëtar shëndetësor për planifikimin e familjes Li Bin.
Kina sivjet do t’u lejojë çifteve që të kenë dy fëmijë, ndonëse më herët politika e planifikimit të familjes kufizonte çiftet që jetojnë në qytet të kenë një fëmijë, ndërsa çiftet nëpër fshatra të mund të kenë dy fëmijë nëse fëmija i parë është vajzë.
“Nuk kemi plan konkret të pezullimit të politikave të planifikimit familjar”, deklaroi Li Bin në konferencën për gazetarë gjatë takimit të sivjemë të legjislacionit kinez.