Maska për fytyrë të mrekullueshme për vetëm 15 minuta!

Jeni lodhur nga problemet me lëkurën, thatësinë, qërimin, skuqjen, puçrrat e poret e zgjeruara? Nëse dëshironi që edhe fytyra juaj të shkëlqejë, jua sjellim recetën për një maskë çudibërëse.

Me aplikimin e kësaj maske, lëkura bëhet e lëmuar, e shtrënguar, e shkëlqyer, e butë dhe me shumë më pak rrudha dhe inflamacione, trasnmeton gazeta Kosova Sot Online.

Receta:

Përbërësit:

3 lugë të mëdha me flluska tërshëre
1 qeskë me çaj kamomili
100-150 mililitra ujë ose qumësht të valë

Përgatitja:

E nxirrni nga qeska çajin e kamomilit dhe e përzini me flluskat e tërshërës. Përzierjes ia qitni 100-150 mililitra ujë ose qumësht të valë. E lini që të shndërrohet në një përzierje të dendur e derisa është ende e nxehtë, këtë përzierje e aplikoni në fytyrë të pastruar në një shtresë paksa më të trashë. Në mënyrë që të mos bie nga fytyra, mbi maskë mund ta vendosni një garzë. Pas 15 minutave e hiqni atë duke e fërkuar lehtë dhe më pas e shpëlani me ujë të ngrohtë. Fytyra do të jetë shumë e butë, skuqja do të zhduket, lëkura do të bëhet më e shëndetshme, më e lëmuar dhe më e shtrënguar. Përdoreni rregullisht këtë maskë dhe nuk do të keni më probleme me lëkurë të fytyrës.