Bosnje, probleme me grupet radikale myslimane
Autoritetet e Bosnjë Hercegovinës thonë se prej një marsit do t’i mbyllin grupet radikale myslimane që propagandojnë ekstremizëm dhe refuzojnë të ndërlidhen me organizatën e Komunitetit Islamik, e cila njihet nga shteti.
Kjo lëvizje e paralajmëruar mbrëmë u bë pasi grupi ekstremist, Shteti Islamik, iu ka kërcënuar me vdekje Myftiut të Madh të Bosnjës, Husein Kavazoviq.
Gjatë viteve të fundit, disa grupe janë formuar jashtë strukturës zyrtare, me ç’rast i kanë përfshirë afro 3 mijë mbështetës në hapësirat rurale. Disa prej tyre bëjnë interpretime radikale të islamit, që nuk është në harmoni me traditën e afro 2 milionë myslimanëve në Bosnjë.
Policia thotë se grupet e tilla islamike janë bërë fole e radikalizmit mysliman, me ç’rast janë dërguar afro 150 pjesëtarë në Siri, për të luftuar për grupin ekstremist, Shteti Islamik.
