Ymeri e Kurti bashkë me 1 mijë persona e kaluan natën në tenda
Mbi 1 mijë persona e kanë kaluar natën në tendat e vendosura në dy sheshet e kryeqytetit nga partitë opozitare.
Keshtu ka thënë per Klan Kosova aktivisti i Vetëvendosjes Valdrin Ahmeti.
Sipas tij gjithçka ka shkuar në rregull si dhe nuk pasur asnjë problem gjatë gjithe natës.
Ahmeti ka njoftuar se edhe gjendja shëndetësore e te gjithe protestuesve është e mirë dhe se asnjë nga ta nuk ka pasur nevojë për ndihmën e mjekëve.
Poashtu sipas Ahmetit edhe qytetarët i janë përgjigjur thirrjeve të Vetëvendosje që të sjellin ushqim e batanie për protestuesit.
Ai bëri të ditur se në mesin e këtyre të fundit natën në tenda e kanë kaluar edhe Visar Ymeri e Albin Kurti derisa për krerët e dy partive tjera opozitare Ahmeti ka thënë se nuk i ka parë.
Aktivisti i Vetëvendosjes ka potencuar se qëndrimi i tyre në sheshe do të jetë deri më 7 mars kohë kjo deri kur parashihet zgjedhja e presidentit., njofton Klan Kosova.
