Njihuni me doktorin që udhëtoi në 73 vende për të shëruar njerëz (Foto)
Herën tjetër kur të ankoheni për obligimet që duhet t’i kryeni herët në mëngjes, kujtojeni Dr. Steven Fabes, i cili ka udhëtuar me biçikletë rreth 60,000 milje gjatë gjashtë viteve të fundit, në misionin e tij për të ndihmuar njerëzit në nevojë.
Doktori aventurier u nis nga Londra me biçikletën e tij më 2010 dhe më kurrë nuk e ktheu kokën mbrapa, duke udhëtuar në distanca të largëta që janë të barabartë me dy udhëtime të plota rreth globit.
Duke pasur një tendë me vete përgjatë udhëtimit të tij, doktori thotë se jeta në rrugë e ka përballur atë me gjëra të rrezikshme dhe që e kanë lënë gojëhapur, shkruan Gazeta Express.
Ai madje gjatë këtij udhëtimi të tij është kafshuar edhe nga një gjarpër kobra. Deri më tani ai ka udhëtuar me biçikletë në gjashtë kontinente – Evropë, Azi, Amerikë të Jugut, Amerikë Qendrore dhe Amerikë Veriore, Australi dhe Afrikë.
Pavarësisht punës dhe jetës së mirë në Londër, doktori vendosi që t’i ndihmojë njerëzit në nevojë përreth botës.
Gjatë udhëtimit të tij, ai udhëtoi nëpërmes maleve spektakolare, shkretëtirave dhe ndihmoi shumë spitale duke punuar vullnetar në shërimin e shumë sëmundjeve dhe kushteve shëndetësore që rrallë shihen në klinikat e Britanisë.
Ai tha për MailOnline: “Isha i etur për aventura dhe sfida të reja. Dëshiroja të shihja, të përjetoja dhe të mësoja botën në një mënyrë intime, dhe biçikleta e bënë të mundur këtë”.
