TM: Pesë skandalet e fundit në Maqedoni
Në buletinin e fundit të Transparencë Maqedoni (TM) janë publikuar 5 skandalet e fundit që kanë ndodhur në Republikën e Maqedonisë, Portalb ua përcjellë:
Korrupsion politik
- Ish kryeministri i Maqedonisë, Nikolla Gruevski, vazhdon me aktivitete të ndryshme – promovimin e investicioneve, premtime për punësim, beneficione të kategorive të ndryshme të qytetarëve të cilat do të financoheshin prej buxhetit të RM-së, madje edhe tërheqje të vendimit të Qeverisë së Maqedonisë për shitjen e përmendores-kulturore në Manastir pas reagimit të ashpër të qytetarëve – të cilët janë nën kompetencat e zyrtarëve shtetëror: Kryeministrit, ministrave, drejtorëve të agjencive, krerëve të komunave etj. Gruevski, edhe pse është lider i partisë politike, ai për këto aktivitete partiake shfrytëzon mjete buxhetore ose mjete nga fondet publike të shtetit.
Historikisht me nivel më të lartë të borxhit publik
- Borxhi publik i Republikës së Maqedonisë, ka arritur nivel më të lartë historik dhe po afrohet afër 50% të Bruto Prodhimit Vendor (BVP) të vendit. Për ekspertët e brendshëm, por edhe për masën e gjerë, tani më nuk diskutohet se Maqedonia gjendet në zonën e kuqe dhe problemet me servisimin e detyrave do të jenë gjithnjë më të theksuara. Më shqetësuese është fakti se institucionet kompetente, para se gjithash, Qeveria dhe Ministria e Financave, duan që ta relativizojnë problemin me nivelin e Borxhit Publik, ndërkaq partia në pushtet, VMRO-DPMNE, vazhdimisht e përsëritë atë se Maqedoni është njëra ndër vendet me më pak borxh në Evropë, përcjellë Portalb.
Borxhe të reja të Fondit për Sigurim Pensional dhe Invalidor (FSPI)
- Në raportin për muajin dhjetor të vitit 2015, Transparencë Maqedoni (TM), i ka vënë në pah problemet me të cilat ballafaqohet Fondi për Sigurim Pensional dhe Invalidor (FSPI) dhe borxhet e tij që atëherë kanë qenë 13 milionë euro ndaj dy kompanive që menaxhojnë dy fonde të detyrueshme private – NLB – Fondi Pensional i Ri dhe KB Fondi i parë i detyrueshëm. Në fillim të janarit të vitit 2016, nga Ministria e Financave ka organizuar edhe një ankand për letrat me vlerë dhe me paratë e tyre e ka paguar borxhin e FSPI-së.
Partizim i Komisioneve ligjërisht të definuara si të pavarur
- Me zgjedhjen e anëtarëve të Komisionit për mbrojtje nga diskriminimi, plotësisht janë injoruar kriteret ligjore, me çka Qeveria e Maqedonia edhe njëherë pa mëdyshje manifeston se e vazhdon praktikën që t’i shkelë ligjet të cilat vet i propozon, ndërkaq Kuvendi si përparues i saj i miraton. Në fakt, sipas nenit 16 të ligjit për anti-diskriminim, Komisioni është organ i cili punon në mënyrë të pavarur.
Shuma milionëshe para të popullit në llogari të “Security Group Service” (SGS)
- “Security Group Service” (SGS), është agjenci për sigurim e cila në publik është e njohur se është në lidhje të afërta me ish drejtorin e DSK-së, Sasho Mijallkov. Kjo, në bazë të “bombave”, është vërtetuar se nuk është spekulim.
Për vetëm 5 vjet nga themelimi, SGS-së dominonte në biznesin për sigurime, duke i lënë pas veti shumë agjenci të sigurimit që kanë përvojë dhe traditë shumëvjeçare. /Portalb