Aksident zinxhiror në Tetovë, përplasen 8 automjete, 7 të plagosur
Aksident i rëndë ka ndodhur në rrugën regjionale Tetovë-Pirok në Kallnik, ka si pasojë janë përfshirë tetë automjete.
Sipas policisë, aksidenti ka ndodhur dje në mëngjes rreth orës 7 të mëngjesit në mes tetë makinave të pasagjerëve, “BMW”, “Fiat Uno”, “Opel Zafira”, “Polo”, “Opel Corsa” “Mercedes” dhe dy “Golf”, që i kanë drejtuar personat nga Bogovina, Pallçisht i Poshtëm, Gostivar, Novakë dhe Kamjan, njofton TetovaSot.
Pas aksidentit, me lëndime e pësuan shtatë persona. Pesë prej tyre, pas ndihmës në Spitalin Klinik të Tetovës, janë liruar nga spitali, ndërsa një nga shoferët i moshës 28 vjeç është mbajtur për kurim të mëtejshëm.
Arsyeja për aksidentin, siç është përcaktuar nga inspektimi, kanë qenë ngricat, dhe dëmi i përgjithshëm është vlerësuar në 500 mijë denarë.
