Refugjatët, Obama kritikon ashpër republikanët
Presidenti amerikan Barack Obama ka kritikuar me një gjuhë të ashpër republikanët të cilët janë kundër pranimit të refugjatëve në Shtetet e Bashkuara të Amerikës (SHBA), raporton Anadolu Agency (AA).
Presidenti amerikan Obama i cili ndodhet në Manila të Filipineve për të marrë pjesë në Samitin e Bashkëpunimit Ekonomik Azi-Paqësor (APEC) u takua me presidentin e Filipineve, Benigno Aquino.
Në një deklaratë pas takimit Obama ka vënë në dukje se refugjatët sirianë janë viktima të terrorizmit duke theksuar se qasjet e republikanëve ndaj refugjatëve janë “të shëmtuara dhe agresive”.
“Me sa duket frikësohen nga ardhja e të vejave dhe jetimëve në SHBA”, deklaroi Obama.
Ai u shpreh se amerikanët janë ndikuar shumë nga sulmet në Paris të Francës dhe se të gjithë ndodhen në panik se e njëjta mund të ndodhë edhe në SHBA.
“Kur bëhet fjalë për sulmet terroriste amerikanët përfshihen në panik dhe nuk japin vendimet e duhura”, ka thënë numri një i SHBA-ve.
Sipas tij, për të të hyrë në SHBA refugjatët i nënshtrohen një procesi rigoroz të kontrollit dhe të sigurisë.
