OH HILAL ndihmon skamnorët e Kumanovës
Sot, OH HILAL i dorëzoi Myftinisë së Kumanovës 100 pako me produkte të ndryshme ushqimore e higjienike për skamnorët e kësaj ane. Përkundër angazhimit të përditshëm të kësaj Organizate në kampin e refugjatëve nga shtetet arabo-afrikane, megjithatë, ajo i ka sytë edhe kah skamnorët e vendit.
Sipas prononcimit të kryetarit të OH HILAL, Mustafa ef. Dauti, për këtë kontingjent ndihme duhet falënderuar Bashkësinë Fetare Islame të Italisë më në krye me Reshat ef. Ibishin. Donacionet vijnë nga donator të ndryshëm si nga vendi ashtu edhe nga shtetet e ndryshme të BE-së.
