Austria vendos “barriera teknike” në kufirin me Slloveninë
Austria ka vendosur të ashtuquajturat “barriera teknike” në kufirin me Slloveninë, për të kontrolluar më mirë fluksin e mijëra emigrantëve që kalojnë në territorin e saj.
Ministrja austriake e Punëve të Brendshme Joana Mik Leitner, tha se kjo barrierë është thjesht një masë paraprake, ndaj numrit të azilkërkuesve që sa vjen e rritet, ajo shtoi se nuk bëhet fjalë për barrierë si ajo e ngritur nga Hungaria.
Ndërkohë Gjermania ka shpejtuar procedurat për kthimin mbrapsht të 83 azilkërkuesve nga Kosova. Më herët Berlini shpalli Shqipërinë, Kosovën dhe Malin e Zi si vende të sigurta origjine.
