Përfundoi procesi i nënshkrimit të memorandumeve të bashkëpunimit me komunat brenda Rajonit planor të Pollogut

Me nënshkrimin e memorandumit për bashkëpunim ndërmjet Fondacionit Metamorphosis dhe komunës së Vrapçishtit u mbyll kapitulli i nënshkrimit të memorandumeve për bashkëpunim me nëntë komunat e kyçura në rajonin planor të Pollogut, (Tetova, Gostivari, Zhelina, Bogovina, Tearca, Jegunovca, Vrapçishti, Bërvenica dhe Mavrova – Rostusha).

Në përputhje me memorandumin, Fondacioni Metamorfozis obligohet që t’i promovojë vlerat e të gjitha vendeve potenciale dhe mundësitë për zhvillimin e turizmit në rajonin e Pollogut, ndërsa komunat e lartpërmendura do të sigurojnë informacione, ekspertizë dhe përvojë, si dhe do t’i nxisin ndërmarrjet e vogla dhe të mesme dhe të gjitha palët e interesuara që në mënyrë aktive të kontribuojnë në realizimin e objektivave të projektit.

Gjithashtu, edhe në anën tjetër të kufirit, Qarku i Këshillit të Elbasanit ka nënshkruar memorandum identik për bashkëpunim me shtatë bashkitë e rajonit të Elbasanit, (Elbasan, Prrenjas, Librazhd, Peqin, Cerrik, , Belsh dhe Gramsh).

Vlen të theksohet se deri tani 73 subjekte (restorante, hotele, agjenci turistike), OJQ, Institucione dhe individë –sipërmarrës potencial, nga dyja anët e kufirit, i janë përgjigjur pozitivisht thirrjes për të qenë pjesë e rrjetit STEP.

Kohëzgjatja e Memorandumit të bashkëpunimit është deri më 31 mars 2020. Projekti financohet nga Programi për bashkëpunim ndërkufitar i Bashkimit Evropian.

3 thoughts on “Përfundoi procesi i nënshkrimit të memorandumeve të bashkëpunimit me komunat brenda Rajonit planor të Pollogut

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP