Mas – Dimitrov: Qytetarët kanë mundësi historike për t’u deklaruar në referendum (VIDEO)

Shpresoj se të gjithë qytetarët e Maqedonisë më 30 shtator do ta shfrytëzojnë të drejtën e tyre dhe do të votojnë në referendum. Keni mundësi historike që të zgjidhjet çështja e emrit dhe të hapet perspektiva evropiane në Maqedoni. Vendimi është në duart e qytetarëve, theksuan në konferencë të përbashkët, ministrat e Jashtëm të Gjermanisë dhe Maqedonisë, Hajko Mas dhe Nikolla Dimitrov, njofton Portalb.mk.

Sipas Mas, zgjidhja e kontestit të emrit është i rëndësishëm dhe hap në drejtim të Evropës.

“Maqedonia vitin e ardhshëm do të mund t’i fillojë bisedimet me BE-në. Unë jam i sigurt se te të gjithë personat përgjegjës në Shkup do të hapet ajo rrugë. Ne jemi për perspektivë evropiane të vendeve të Ballkanit Perëndimor. Ajo është e rëndësishme për stabilitetin e rajonit dhe për atë ajo nuk është vetëm interes i juaj por edhe interes i joni evropian. Njëkohësisht anëtarësimi në NATO nënkupton edhe tjera kritere – shtet ligjor, luftë kundër korrupsionit dhe krim të organizuar”, tha Mas.

Ai ka theksuar se me zgjidhjen e kontestit është treguar se pushteti a vizion për ardhmërinë e Maqedonisë ka inkurajuar autoritet që të vazhdojnë në këtë rrugë duke bërë hapa të guximshëm.

Dimitrov tha se me vizitën e Mas, me atë të kancelares Merkel në Ditën e Pavarësisë dhe vizitës së nesërme të ministres së mbrojtjes, nuk mund të ketë sinjal më të qartë për mbështetjen gjermane e cila është e bazuar për atë se Berlin ka parë vendosmëri te Maqedonia se dëshiron t’i zgjidh problemet, të ngritet në këmbë dhe të shkojë përpara.

“Jo vetëm për arsyet tona, jam i nderuar me këtë vizitë të Mas. Jetojmë në Evropë e cila është shumë e zënë me vetveten. Gjermania dhe ministri është shembull për Evropën e tanishme dhe ku duam që të shkojmë, kombinim i bukur i vlerave dhe parimeve evropiane”, tha Dimitrov.

Ai gjithashtu tha se , Masin e ka informuar për përpjekjet që qytetarëve t’ua sqarojnë të gjitha detajet për Marrëveshjen e Prespës dhe për dobitë e anëtarësimit të vendit në NATO.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP