Të jetosh nën një kulm me gruan që s’e do

Të jetosh nën një kulm

Me gruan që s’e do

Nuk do të thotë se e mashtron veten ose atë.

Të jetosh nën një kulm

Me gruan që s’e do

Do të thotë të përpushësh në dashuri,

Si në kovën e mbeturinave – Nuk ha por gjen diçka.

Nëse jeton me gruan që s’e do

Nën një kulm

Do të thotë se lumturinë tënde e kanë vjedhur

Si hajnat kalin!

Nëse jeton nën një kulm

Me gruan që s’e do

Në mbrëmje e hap derën

Si kapakun e arkivolit.

Dhe nëse krahas telasheve janë edhe fëmijët,

Do të thotë se t’i kanë vjedhur të gjitha gëzimet

Që kanë jetuar brenda teje.

Burri nuk vjen në atë shtëpi

Ku jeton me gruan që s’e do.

Ai çdo natë vjen në tymin e zjarrit të sapofikur

Me të cilin është mësuar.

Madje edhe limonada mbi tryezë,

Të cilën e ka vënë gruaja të cilën s’e do,

I ngjan verës.

Burri dehet nga dëshpërimi i tij.

Po të ketë ndodhur të jetosh

Me gruan që s’e do

Nën një kulm,

Bëhesh i ngjashëm me dollarin e rremë çeçen

Në tregjet e Rusisë,

Harxhohesh për cikërrima,

Duke shkuar dorë më dorë.

Nëse jeton nën një kulm

Me gruan që s’e do,

Unë e shoh vetëm një shteg për ty

Të lindesh përsëri.

Autor: Ferid Hysein
Përktheu: Xhabir AHMETI

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP