Shpërthim me tritol në banesën e pronarit të televizionit
Në orët e para të mëngjesit një shpërthim tritoli është regjistruar në banesën e një biznesmeni në qytetin e Pogradecit.
Ngjarja ka ndodhur rreth orës 00:45, në lagjen nr 1 të qytetit, transmeton Gazeta Express.
Sipas policisë, sasia e vogël e lëndës shpërthyese është vendosur në banesën e 60 vjeçarit me iniciale B.F.
Mësohet se tritoli është vendosur në afërsi të banesës së biznesmenit Bajram Fejzullahu, pronar i një televizioni lokal në Pogradec. Ai ka deklaruar në polici se nuk ka asnjë konflikt me asnjë person.
