BDI i fton qytetarët e Maqedonisë dhe diasporës të votojnë në referendum

Bashkimi Demokratik për Integrim i fton të gjithë qytetarët e Maqedonisë dhe diasporën që të dalin të votojnë në referendumin e 30 shtatorit për çështjen e emrit, njofton Portalb.mk.

“Duke pranuar Marrëveshjen me Republikën e Greqisë ne e sigurojmë anëtarësimin me të drejta të plota të Republikës së Maqedonisë në  Bashkimin Evropian dhe në NATO! Ky është moment vendimtar: Me Votën Tuaj vendosni për të ardhmen e vendit dhe të brezave që vijnë! Bashkimi Demokratik për Integrim ju fton të gjithëve që deri më 23 gusht të aplikoni për ushtrimin e të drejtës suaj të votimit në faqen e internetit të Komisionit Shtetëror të Zgjedhjeve. Edhe Ju bashkëvendës të nderuar, që jetoni  jashtë vendit, do të mund ta ushtroni të drejtën e votës në të gjitha përfaqësitë diplomatiko-konsullore të Republikës së Maqedonisë në botë”, thonë nga BDI.

Ata shtojnë që për çdo paqartësi mund të komunikoni edhe me Shtabin e BDI-së përmes adresës elektronike  qahp@bdi.mk.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP