Maqedonia dhe Çekia do të vazhdojnë bashkëpunimin në fushën e Arsimit

Maqedonia dhe Çekia do të vazhdojnë të zhvillojnë bashkëpunimin e mirë arsimor, posaçërisht në sferën e arsimit dhe shkencës, përmes mobilitetit më të madh të kuadrit mësimor, realizimin e përbashkët të projekteve shkencore-hulumtuese dhe shkëmbimin e studentëve.

Kjo u theksua në takimin e sotëm ndërmjet ministrit të Arsimit dhe Shkencës, Arbër Ademi dhe ambasadorit të Çekisë në Maqedoni, Miroslav Toman. Në këtë takim të dy bashkëbiseduesit kanë shprehur kënaqësinë që qeveritë e të dyja vendeve kanë qëndrim identik kur bëhet fjalë për investimet dhe përpjekjet për ndërtimin e sistemit nacional konkurrues për mundësi më të mëdha për qytetarët e vendeve respektive.

Gjatë takimit, ministri Ademi i ka prezantuar aktivitetet aktuale të Ministrisë së Arsimit dhe Shkencës, si dhe prioritetet në të cilat do të fokusohet puna e kësaj Ministrie në periudhën në vijim.

Ministri Ademi, njëherësh ka falënderuar Ministrinë e Arsimit të Çekisë për mundësinë që ofron kjo Ministri për qytetarët e Maqedonisë për të studiuar në disa grupe dhe programe të caktuara mësimore në këtë vend.

Në këtë takim u bisedua edhe për funksionimin dhe rezultatet e punës së Institutit për film në Ohër, i cili që nga viti 2015 është themeluar si njësi në përbërje të Universitetit të Shtipit “Goce Dellçev” e që aktivitetin e vet e zhvillon në pajtim me parimet dhe përkrahjen e kuadrit të shkollës prestigjioze të filmit dhe televizionit FAMU – shkolla e pestë më e vjetër në botë, për të cilën ky është bashkëpunimi i parë dhe i vetëm i këtij lloji me një institucion të lartë arsimor të jashtëm.

Ambasadori Toman ka theksuar që Çekia i njeh dhe, edhe më tej, do të përkrahë maksimalisht përpjekjet e sinqerta të Qeverisë së Maqedonisë për zhvillimin dhe arritjen e kualitetit të arsimit në vendin tonë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP