Supergarë pa medalje, Luiza Gega jashtë podiumi në Berlin

Atletja shqiptare Luiza Gega ishte autore e një prove emocionuese dhe plot grintë në kampionatin Europian në Berlin, por pavarësisht përpjekjeve të sportistes kuqezi, nuk arriti dot të hyjë në zonën e medaljeve.

Gega garoi në 3 mijë metra me pengesa, por edhe pse ishte në grupin kryesues në shumicën e kohës, mbylli gjithçka në vendin e katërt në një finish emocionues ku iu dorëzua rivaleve të pistës.

Shpresa kryesore e Shqipërisë për medalje arriti me meritë në fazën finale dhe medalja u duk pranë kur Luiza Gega nisi të ngulmojë fort për të kaluar me radhë metrat e parashikuar. Sportistja kuqezi ndërroi shpeshherë vendet me Karolin Grovdal dhe Geza Krauze, por edhe pse pengesat iu afruan fundit, lodhja e zbriti në vendin e katërt, e paerakaluar edhe nga Fabien Shlumpf, njofton TCH.

Në metrat finalë Krauze bëri një manovër të bukur që i dha medaljen e artë, ndërsa Luiza Gega tentoi deri në fund për bronzin, por pa arritur dot norvegjezen Grovdal, shumë pranë shqiptares. kronometri i kohës zyrtare regjistroi 9 minuta, 24 sekonda e 78 të qindtat për atleten tonë, që mbyll gjithsesi një europian pozitiv në Berlin.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP