Netflix arrin 130 milionë abonentë në mbarë botën

Rrjeti global televiziv i internetit Netflix ka rritur në 130 milionë numrin e abonentëve në mbarë botën, transmeton Anadolu Agency (AA).

Netflix ka publikuar të dhënat e bilancit në lidhje me çerekun e dytë të vitit 2018.

Sipas kësaj të ardhurat për çerekun e dytë të vitit 2018, në krahasim me periudhën e njëjtë të vitit të kaluar, janë rritur për 40,7 për qind dhe ka arritur në 3,91 miliardë dollarë. Të ardhurat e kompanisë për periudhën prill-qershor të vitit të kaluar ishin 2,78 miliardë dollarë.

Në çerekun e dytë të vitit të kaluar, përfitimi neto i Netflix-it ishte 65,6 milionë dollarë, ndërsa në periudhën e njëjtë të këtij viti u rrit në 384 milionë dollarë.

Në fund të çerekut të dytë numri gjithsej i abonentëve të Netflix-it në gjithë botën arriti në 130,1 milionë.

Numri i abonentëve të Netflix-it në SHBA është 72,7 milionë ndërsa në shtetet tjera 57,4 milionë. Mirëpo, në bilancin e çerekut të parë të këtij viti ishte synuar që në fund të çerekut të dytë, kompania të ketë gjithsej 131 milionë abonentë. Pasi numri i abonentëve mbeti në nivel më të ulët nga ajo që synohej u vërejt edhe rënie në aksionet e Netflix-it.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP