Bozdag: Turqia nesër do të pranojë avionët amerikan F-35

 Zëvendëskryeministri i Republikës së Turqisë, Bekir Bozdağ, ka bërë të ditur se vendi i tij gjatë ditës së nesërme do të pranojë dërgesën e avionëve F-35, që ka blerë nga SHBA-të, raporton Anadolu Agency (AA).

“Kontaktet e nevojshme janë zhvilluar me SHBA-të dhe dorëzimi i avionëve F-35 do të realizohet të enjten”, u tha gazetarëve zv/kryeministri Bozdağ në provincën qendrore Yozgat.

Duke iu referuar projekt-ligjeve të fundit të Kongresit Amerikan që kërkojnë bllokimin e shitjes, Bozdağ theksoi se çdo përpjekje për ta kushtëzuar shitjen me lirimin e priftit amerikan Andrew Brunson, që përballet me akuzat për terrorizëm në Turqi, përbën një “kërcënim”.

Dorëzimi i avionëve të Lockheed Martin-it do të zhvillohet në një ceremoni në Teksas, me avionët që do të vijnë në Turqi sapo pilotët të kenë marrë trajnimin.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP