Afrikë e Jugut, 2 persona të therur për vdekje në një sulm në xhami

Dy besimtarë muslimanë u therën për vdekje dhe tre të tjerë u plagosën nga një sulmues me thikë në një xhami në Malmesbury në afërsi të Cape Town në Afrikë të Jugut, të enjten në mëngjes, njoftoi policia e vendit, transmeton Anadolu Agency (AA).

Policia më vonë e qëlloi sulmuesin për vdekje.

Zëdhënësi i policisë së Western Cape, Andre Traut, tha për televizionin lokal NCA se “I dyshuari, që besohet të jetë në të 30-at, i armatosur me thikë sulmoi policin në vendin e ngjarjes i cili u përpoq ta bindte të dorëzohej”.

“Ai injoroi thirrjen dhe u përpoq të sulmonte policinë, por u qëllua dhe u vra”, shtoi Traut.

Komuniteti musliman në të gjithë Afrikën e Jugut e dënoi incidentin, i cili erdhi vetëm një ditë përpara festës së Bajramit.

Këshilli Gjyqësor Musliman i Afrikës së Jugut tha se janë të trishtuar që një incident i tillë ndodhi gjatë muajit të shenjtë të Ramazanit.

Rasti në fjalë nuk është sulmi i parë ndaj muslimanëve gjatë Ramazanit në Afrikën e Jugut.

Një besimtar musliman u vra gjithashtu në fillim të Ramazanit në qytetin bregdetar Durban.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP