Shahistja indiane tërhiqet nga gara për shkak të shamisë

Kampionia indiane e shahut, Soumya Swaminathan, u tërhoq nga një turne aziatik në Iran, për shkak të ligjit për mbulim të detyrueshëm të kokës në këtë vend.

Swaminathan tha se ky rregull është shkelje e të drejtave të saj personale.

“Në rrethanat aktuale, mënyra e vetme për mua që të mbroj të drejtat e mia personale, është të mos shkoj në Iran”, tha ajo në një postim në Facebook.

Kampionati i Shahut në Azi do të nisë muajin e ardhshëm në Iran.

Swaminathan, e cila është numër 5 në Indi, u tha mediave lokale se turneu, fillimisht, ka qenë e paraparë të mbahet në Bangladesh.

“Me publikimin e datave dhe vendit të ri, unë u tërhoqa”, tha ajo.

Kjo nuk është hera e parë që një atlete e Indisë tërhiqet nga një turne, për arsye të njëjtë.

Heena Sidhu, qitëse me armë, u tërhoq nga një turne në Iran në vitin 2016.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP