Në Jemen ka rrezik për katastrofë humanitare

Forcat pro-qeveritare në Jemen, të mbështetura nga Arabia Saudite, kanë nisur të sulmojnë një port të rëndësishëm, i cili kontrollohet nga luftëtarët rebelë.

Qyteti bregdetar Hudajdah është vendi ku arrijnë shumica e ndihmave për njerëzit në zonat e kontrolluara nga rebelët në Jemen.

Agjencitë kanë paralajmëruar për katastrofë humanitare.

Rreth tetë milionë njerëz janë në rrezik nga uria në vendin e shkatërruar nga lufta.

Sulmet pro-qeveritare kanë nisur pasi rebelët Huthi, të mbështetur nga Irani, kanë injoruar afatin për tërheqje në mesnatën e së martës.

Është hera e parë që koalicioni i udhëhequr nga Arabia Saudite bën përpjekje të marrë kontrollin e një qyteti mirë të mbrojtur në Jemen.

Konflikti në Jemen ka shpërthyer që nga fundi i vitit 2014, kur rebelët Huthi dhe aleatët e tyre kanë kapur pjesët veriperëndimore të vendit, përfshirë kryeqytetin Sana, dhe kanë detyruar presidentin Abdrabbuh Mansour Hadi të largohet.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP