Numri i vendeve në Parlamentin Evropian do të ulet pas Brexit-it

Anëtarët e Parlamentit Evropian kanë miratuar një projekt-vendim nga krerët e Bashkimit Evropian (BE) që pas Brexit-it të ulin numrin e vendeve në Parlamentin Evropian nga 751 në 705, raporton Anadolu Agency (AA).

Sipas ndryshimeve, 27 vende të 73 vendeve të Mbretërisë së Bashkuar do të rishpërndahen midis shteteve anëtare për të llogaritur ndryshimet e fundit të popullsisë.

Pjesa e mbetur do të qëndrojë në rezervë në rast të hyrjes së më shumë vendeve në BE. Një plan për t’i përdorur ato për të krijuar një zonë elektorale pan-BE u refuzua nga anëtarët e PE-së në muajin shkurt.

Rezultati i votës u lejon udhëheqësve të japin miratimin përfundimtar të planeve në samitin e këtij muaji. Ai do të përcaktojë përmasat e Asamblesë nga viti 2019 deri në vitin 2024.

Mbretëria e Bashkuar është vendosur të largohet nga BE-ja në muajin mars të vitit 2019, me një marrëveshje përfundimtare ende të pa arritur.

Zgjedhjet e para për PE-në u zhvilluan në vitin 1979 kur kishte nëntë shtete anëtare.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP