Filloi projekti IPA 2: Përmirësimi i infrastrukturës së grumbullimit të ujërave të zeza në qytetin e Shkupit

Kolektorët e ri në bregun e majtë dhe të djathtë të lumit Vardar të qytetit të Shkupit pritet t’i mbledhin ujërat e zeza urbane, me këtë dhe kushtet sanitare dhe higjienike në zonën qendër do të përmirësohen. Ndërtimi i sistemit të kolektorëve është parakusht për ndërtimin e stacionit kryesore  të trajtimit të ujërave të zeza  për qytetin e Shkupit, ndërtimi i të cilit do të fillojë në vitin 2020 – deklaroi ministri i Mjedisit Jetësor dhe Planifikimit Hapësinor Sadulla Duraki në ngjarjen me rastin e shënimit zyrtar të fillimit të punëve ndërtimore në Projekti IPA 2 “Përmirësimi i infrastrukturës së grumbullimit të ujërave të zeza në qytetin e Shkupit”.

Marrëveshja e projektit parashikon ndërtimin e një kolektori në bregun e djathtë të lumit Vardar, në gjatësi prej 3.4 km nga bulevardi “Serbia” deri në Ura hekurudhore, me çrast në të do të derdhen  ujërat e zeza nga stacioni ekzistues i pompës “Gorno Lisiçe”, pastaj ndërtimi   i kolektorit në bregun e majtë të lumit Vardar me një gjatësi prej 4.5 km nga pika e shkarkimit aktual të rrjetit ekzistues të kanalizimeve deri te hekurudha dhe ndërtimi i një kolektori nga stacioni i pompës „ Makoshped“ deri te  lidhja  me kolektorin e ri kryesor në bregun e majtë të lumit Vardar.

Investimi financohet me fonde të Bashkimit Evropian në vlerë prej mbi 9 milion euro dhe bashkëfinancohet nga Buxheti i Republikës së Maqedonisë  në  vlerën prej 15%, dhe është planifikuar të përfundojë në shkurt 2020.

Në këtë ngjarje mori pjesë edhe evroambasadori Samuel Zhbogar dhe kryetari i Shkupit, Petre Shilegov.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP