Tesla do të instalojë bateri për 50 mijë shtëpi në Australi

Australia Jugore ka shtyrë përpara planin për instalimin e sistemeve të baterive të shpikura nga Elon Musk të Tesla-s në 50 mijë shtëpi, njoftoi të enjten Korporata Australiane e Transmetimeve, transmeton Anadolu Agency (AA).

Qeveria publikoi politikën e Tesla-s në shkurt, në të cilën bëhet i ditur plani për instalimin e baterive dhe sistemeve diellore falas për të krijuar “centralin më të madh virtual” në botë dhe për të ulur faturat e energjisë, raporton ABC.

Qeveria e re e shtetit, e udhëhequr nga kryeministri i Australisë Jugore, Jay Weatherill, është zotuar se do të vazhdojë axhendën e projektit të baterieve nga paraardhësi i tij, shton ABC News.

“Projekti VPP është duke vazhduar me dy fazat testuese të procesit siç është planifikuar. Fazat e testimit përfshijnë instalimin e sistemeve të energjisë në 1.100 shtëpi në Australinë Jugore”, tha ministri i Energjisë Dan van Holst Pellekaan, duke shtuar se projekti është mbështetur nga një grant prej 2 milionë dollarësh australian dhe një hua prej 30 milionë dollarësh nga qeveria e shtetit.

“Në varësi të financave private dhe suksesit në fazën e parë dy-fazështe, faza e tretë mund të rritet deri në 50 mijë bateri shtëpish të lidhura me instalimet e reja diellore”, tha ai.

Pellekaan theksoi se takimi i tij i parë pas betimit ishte me Teslën dhe ai donte që shteti i tij të bëhej lider botëror në instalimin e baterive në shtëpi.

Ai gjithashtu vlerësoi baterinë më të madhe të litiumit në botë të ndërtuar nga Tesla pranë Jamestown nëntorin e kaluar.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP