VMRO-DPMNE tregon qӓndrimin për emrin e përfolur – Ilindenska Republika Maqedonija

“Është jo-serioze të licitojmë për kësi çështje serioze. Ne kemi thënë se VMRO-DPMNE, nuk ka  kurrfarë informata rreth procesit që e udhëheq Qeveria”, deklarohet për Portalb.mk, drejtori për Marrëdhënie me Publikun i VMRO-DPMNE-së, Ivo Kotevski, në lidhje me informatat nëpër media se Maqedonia propozimi i Maqedonisë për emrin në bisedimet me Greqinë, për të cilin Zaev dje tha se është optimist, është Ilindenska Republika Makedonija, njofton Portalb.mk.

“Nuk e dimë as shtrirjen se për çfarë po bisedohet, por as nëse janë marrë vesh për ndonjë emër, i cili është i pranueshëm për të dyja palët, a nuk ka informata as se si parashikojnë t’i zgjidhin standardet tjera identitare”, tha Kotevski për Portalb.mk.

Nga ana tjetër, nga Qeveria e Maqedonisë sot kanë deklaruar se për bisedimet, së shpejti, fillimisht do të informohet presidenti i shtetit, lideri i VMRO-DPMNE-së dhe liderët tjerë.

Ndryshe, dje në Sofje kryeministri Zoran Zaev, pas mbarimit të takimit me kryeministrin grek, Aleksis Cipras, tha se “njëri prej opsioneve për emrin, që kanë diskutuar është i pranueshme për të dyja palët dhe nëse është e mundshme do të ketë zgjidhje. Tani kemi opsion që mundet të jetë e pranueshme për të dyja palët, nëse nga dy vendet pranohet”.

Pask kësaj, mediat publikuan se opsioni për të cilin ka folur Zaev, në fakt është opsioni i ri dhe bëhet fjalë për emrin e ri të propozuar – Ilindenska Republika Makedonija.

Kjo zgjidhje kompromisi duhet të mare drite jeshile edhe nga opozita e të dyja vendeve. Këto konsultime i paralajmëroi edhe kryeministri Zoran Zaev në konferencën për gazetarë pas përfundimit të Samitit të BE-së për Ballkanin Perëndimor në Sofje. Për momentin nuk ka konfirmim zyrtar për këtë zgjidhje të mundshme të dakorduar mes dy kryeministrave Zaev dhe Cipras, as nga autoritet në Shkup, e as nga ato në Athinë.

Koha: “Ilindenska Republika Makedonija” do të jetë emri ri i shtetit

One thought on “VMRO-DPMNE tregon qӓndrimin për emrin e përfolur – Ilindenska Republika Maqedonija

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP