Komisioni Evropian dërgon gjashtë vende në gjyq për ndotje të ajrit

Komisioni Evropian ka bërë të ditur se do të dërgojë Gjermaninë, Francën dhe katër vende të tjera në gjykatën më të lartë, për shkak të bllokimit në përmbushjen e standardeve të BE-së për cilësinë e ajrit, transmeton REL. 

Vendimi erdhi pasi komisioni i Bashkimit Evropian u dha shansin e fundit në janar gjashtë vendeve: Britanisë së Madhe, Italisë, Hungarisë, Rumanisë, Gjermanisë dhe Francës, për të ndërmarrë hapa në përmirësimin e cilësisë së ajrit.

Megjithatë, komisionari i mjedisit i BE-së, Karmenu Vella, tha në një konferencë shtypi në Bruksel se vendet nuk arritën të veprojnë shpejt.

“Komisioni duhej të konkludonte se masat shtesë të propozuara nuk janë të mjaftueshme për t’i përmbushur standardet e cilësisë së ajrit sa më shpejt të jetë e mundur. Si pasojë, komisioni ka vendosur t’i dërgojë këto gjashtë shtete anëtare në Gjykatën e Drejtësisë së BE-së”, tha Vella.

Gjykata, e cila gjendet në Luksemburg, mund të shqiptojë gjoba të rënda.

Vella, i cili e quajti problemin e ndotjes “kërcënues për jetën”, tha se Brukseli kishte frikë se mund të përfundonte duke pritur disa vjet para se këto vende të vendosnin masat e duhura në përmirësimin e cilësisë së ajrit.

“Nuk mund të presim më”, shtoi ai.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP