MBI UDHËTIMIN DHE IKJEN

Salajdin Salihu

Salajdin Salihu

Njerëzit përherë kanë dashur të udhëtojnë.

Ka udhëtarë, turistë e pelegrinë.

Udhëtarë që duan të lexojnë kultura të tjera.

Udhëtarë që duan të lexojnë kohëra të lashta.

Udhëtarë që duan të vizitojnë vende të shenjta.

Ka edhe ikje.

Ka ikje nxitur nga zhgënjimi.

Ka ikje prej boshësisë gërryese.

Ka ikje nga rrena e mashtrimi.

Ka ikje nga krimi i pandëshkuar.

Ka ikje nga vendi që ik prej njerëzve.

Ka ikje nga rregullat e serta e frymëzënëse.

Ka ikje nga dita që ta han të njëjtën mëlçi.

Që ta hedh mbi shpinë të njëjtin gur.

Që ta tregon të njëjtën përrallë.

Që ta përsërit të njëjtin refren.

Që ta servon të njëjtën kotësi.

Që të gënjen me të njëjtën rrenë.

Që të deh me të njëjtën marrëzi.

Që t’i lexon letrat në xhep.

Që të mban pareshtur leksione morali.

Ikin njerëzit prej aty ku qeshet e qahet njësoj.

Ku tregohen barsoletat e njëjta.

Ku bekohet e mallkohet njësoj.

Ku flitet e shahet njësoj.

Ku nuk ka shtigje që të nxjerrin përtej kotësisë.

Ku ecet nëpër rrugët e njëjta.

Nëpër rrugët që të kthejnë në vendin ku ke nisur.

Ikin njerëzit sepse duan të tashmen tjetër.

Ikin se nuk duan ta përsëritin rutinën…

Se nuk besojmë më në të “ardhmen e ndritur”…

Shkrimi është shkruar enkas për Portalb.mk. Të drejtat e publikimit i kanë vetëm ©Portalb.mk dhe autori, sipas marrëveshjes mes tyre.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP