Mickoski i është ankuar Mogerinit se mungon ambienti demokratik

Kryetari i VMRO-DPMNE-së, Hristijan Mickoski sot ka pasur drekë pune me përfaqësuesen e lartë të Bashkimit Evropian për Politikë të Jashtme dhe Siguri, Federika Mogerini, në të cilin është diskutuar për integrimet evropiane të shtetit, raportin e KE-së dhe për mangësitë e përmendura në raport, njofton Portalb.mk.

“Kryetari Mickoski ka theksuar se Bashkimi Evropian është i nevojshëm për Republikën e Maqedonisë si mënyrë për ngritjen e standardit të qytetarëve, kualitet më të lartë të jetesës dhe ndarjes së vlerave të përbashkëta. Në këtë plan, VMRO-DPMNE ka dhënë kontribut duke dhënë vërejtje thelbësore të cilat janë inkorporuar në ligjet reformuese të cilat janë miratuar”, thuhet në kumtesën e VMRO-DPMNE-së.

Mickoski, ashtu siç thuhet në kumtesë, ka shprehur shqetësim për situatën ekonomike, korrupsionin si dhe dyshimin për krim, në të cilin janë përfshirë përfaqësuesit e lartë të pushtetit.

“Terrori politik është lartë i përfaqësuar, dhe ai po zhvillohet në shumë nivele si mënyrë e qërimit të hesapeve të pushtetit me ata që nuk mendojnë njëjtë, trysnia ndaj mediave dhe mungesa e ambientit demokratik është sfidë e vërtetë që shtetin e kthen mbrapa në shumë sfera”, ka theksuar Mickoski.

Mogerini nga Kuvendi i Maqedonisë: na pret pjesa tjetër e video-lojës

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP