Rusia teston një raketë hipersonike Kinzhal

Presidenti i Rusisë, Vladimir Putin e ka përshkruar raketën si një “armë ideale”. Rusia pretenton se raketa fluturon 10 herë më shpejt se shpejtësia e zërit dhe nuk mund të kapet nga sistemet kundërajrore.

Rusia tha të dielën se ka testuar me sukses një raketë hipersonike, që bën pjesë në armët e një brezi të ri, të përmendura nga Presidenti Putin në fjalimin e tij drejtuar kombit më herët këtë muaj.

Ministria e Mbrojtjes publikoi pamje filmike që e tregonin raketën e precizionit të lartë Kinzhal duke u lëshuar nga një avion luftarak supersonik MiG-31 dhe duke përshkruar qiellin.

“Lëshimi eci në përputhje me planin, raketa hipersonike e qëlloi objektivin” shtoi ministria.

‘Arma ideale’

MiG-23 me raketën hipersonike Kinzhal

MiG-23 me raketën hipersonike Kinzhal

Kinzhali – emri ka kuptimin e një thike të shkurtër ruse me dy tehe – u përshkrua si një “armë ideale” nga Putini gjatë prezantimit të raketës në 1 mars.

Putini, që pritet gjerësisht të rizgjidhet President i Rusisë më vonë këtë muaj, tha se raketa, që fluturon 10 herë me shpejtësinë e zërit nuk mund të interceptohet nga sistemet e mbrojtjes kundërajrore.

Raketa është stacionuar në Rajonin Jugor Kufitar që prej 1 dhjetorit, shtoi ai.

Zëvendëskryeministri Dmitri Rogozin tha në Facebook se Rusia ka punuar për të modernizuar avionët e saj supersonikë MIG-31, që do të bartin raketën.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP